Namminersornerullutik Oqartussat nalunaarutaat nr. 18 31. Juli 2000-imeersoq umimmaat eqqissisimatitaanerat piniagaanerallu pillugit Namminersornerullutik Oqartussat nalunaarutaannut allannguutaasoq.

 

§ 1.

Namminersornerullutik Oqartussat nalunaarutaat nr. 11 26. Juni 1999-imeersumi umimmaat eqqissisimatitaanerat piniagaanerallu pillugit makku allanngortinneqarput:

 

1. § 7-imi immikkoortoq nutaatut imm. 6-ip kingornatigut ikkunneqarpoq:
"Imm. 7. Sunngiffimmi aallaaniarsinnaanermut allagartamik qinnuteqartoq, qinnuteqaateqarnermi nalaani 16-inik ukioqalereersimassaaq."

 

Taassuma kingornatigut imm. 7 imm. 8-nngorpoq.

 

2. § 11 allanngortinneqarpoq imaalillugu:
" § 11. Umimmaat pisarineqartut neqaat tamarmik angerlaanneqassapput imaluunniit qimatulineqassallutik.
Imm. 2. Aasaanerani ukiaaneranilu piniarnermut atatillugu umimmaat pisarineqartut neqaat taamaallaat tuniniarneqarsinnaapput piffissami umimmanniarfiup nalaani aamma piffissap umimmanniarfiup unitsinneqarnerata kingornatigut ullut 14-it tikillugit. Ukiuunerani piniarnermut atatillugu umimmaat pisarineqartut neqaat taamaallaat tuniniarneqarsinnaapput piffissami umimmanniarfiup nalaani aamma piffissap umimmanniarfiup unitsinneqarnerata kingornatigut ullut 21-it tikillugit. Politiit, piniarnermik aalisanermillu nakkutilliisut imaluunniit inuit allat Naalakkersuisunit piginnaatitaasut piumasaqarnerisigut akuersissut imaluunniit nalunaaqutsiuttakkat ingerlaannartumik takutinneqassapput.
Imm. 3. Taamaattoq neqaat panertitat tuniniarneqarsinnaapput piffissap umimmanniarfiusup unitsinneqarnerata kingornatigut."

 

§ 2.

Nalunaarut atortussanngorpoq ulloq 1. august 2000 aamma sunniuteqalissalluni 1. juni 2000-imiit. Nalunaarut atorunnaassaq ulloq 1. december 2000.

 

Namminersornerullutik Oqartussat, ulloq 31. Juli 2000.

 

 

Simon Olsen

/

Jørn Birk Olsen